ः
(१) न्याय सेवा (भर्ना, सरुवा, बढुवा तथा अन्य सेवा शर्त) नियमावलीको अधीनमा रही आयोगले नेपालको संविधानको धारा ७४ बमोजिम नेपाल सरकारमा सिफारिस गर्दा निम्न लिखित कार्यविधि अपनाउनेछ – सरुवा गर्दा साधारणतया अनुसूची बमोजिम (क) समूहमा एक अवधि बिताइ सकेकालाई (ख) समूहमा र (ख) समूहमा एक अवधि बिताइ सकेकालाई (ग) समूहमा र
(ग) समूहमा एक अवधि बिताइ सकेकालाई (क) समूहमा क्रमानुसार सरुवा गर्ने । तर सरुवा गर्दा कार्यबोझ र कार्यक्षमताको विचार गरी उपयुक्त समूह वा ठाउँमा
सरुवा गर्न सकिनेछ ।
स्पष्टीकरण ः उपरोक्त उपनियममा जुनसुकै कुरा लेखिएको भए तापनि कुनै पनि कर्मचारीको सम्बन्धमा यी नियमहरू प्रारम्भ हुँदाका बखत काम गरिरहेको ठाउँ बाहेक सो अगावै काम गरेका ठाउँहरूको गणना हुने छैन ।
(२) उपनियम (१) बमोजिम कुनै कर्मचारीलाई सरुवा गरिंदा कामसम्बन्धी गोप्य प्रतिवेदनबाट वा निरीक्षण अधिकारीको प्रतिवेदनबाट खराब आचरण भएको वा काम
सन्तोषजनक नभएको देखिन आई निजले सरुवा पाउनु पर्ने समूहमा सरुवा गर्न मनासिब नहुने भएमा आयोगले उपयुक्त ठानेको अरू कुनै समूह र ठाउँमा सरुवा गर्न सिफारिस गर्न सक्नेछ ।